حوار مصري حول خطاب الريس

الأول : شفت خطاب الريس يلا يا شحتة ؟
الثاني : انهو واحد فيهم
- خطابه بتاع سوريا
- انا قصدي انهو ريس فيهم
- انت أهبل ياض ؟ الريس مرسي ، هو البلد ليها كم ريّس ؟
- الرئيس مرسي ؟ أمّال خيرت الشاطر يبقى مين ؟
- يبقى الريس بتاع ريّسنا هاهاهاهاوس
- قلتلي الريس خطب عن سوريا ؟ طب وقال إيه ؟
- بقلك أعلن الحرب
- قول والمصحف
- اه والمصحف
- آدي اللي خدناه مالإخوان ، هو الراجل صدق نفسه وهيعملي فيها عبناصر من تاني ؟
- الراجل اتجنن رسمي
- طب واسرائيل قالت إيه ؟
- وهي ايه علاقتها في الموضوع ده ؟
- ايه اللي ايه علاقتها في الموضوع ؟ مش احنا حنحارب اسرائيل بنت الجزمة
- هاهاهاهاها انت عبيط يلا ؟ الريس أعلن الحرب على سوريا
- احا، إنت عبيط ياض , سورية مين اللي حنحاربها , انت ناسي ان احنا وسوريا كنا بلد وحدة ؟ باينك تقلت العيار يا صاحبي , هات هات , "ويشيير بيده إلى الجوزة "
- طب وشرفي إنه الريس قال كده
- وشرفك ؟ هاهاهاها سيب المرحوم في حاله وقلي , مش هو الريس بتاعنا إخوان ؟
- اه ، انا فاكر كده
- طب مش همه الإخوان بئالهم بتاع مية سنة بقولوا : عالقدس رايحين شهداء في الملايين ؟
- آآآآآآ ه تقريبا كده
- بئى يهتفوا عالقدس رايحين ولما تجيلهم السلطة يروحوا يجاهدوا فسوريا ؟
_مش جايز يكونوا نقل القدس على سوريا ؟
-تفتكر ؟
-ليه لأ