حوار بين البوعزيزي وطفل فلسطيني

في عالم غير هذا العالم ومباشرة بعد ان انتهى الشهيد محمد البوعزيزي من تلقي التهاني الحارة من شهداء الشعوب كلهم وبعد مباركات

صادقة انفرد طفل صغير بالشهيد الذي كان شعلة ثورة الياسمين

الطفل : عمو مبروك

البو عزيزي : ربنا يبارك فيك يا بني

الطفل : ما عرفتني ؟

البو عزيزي : للاسف يا حبيبي لم اعرفك

الطفل : انا واثق تمام الثقة ,انك اخبرت ابنائك عني

البو عزيزي : من انت ؟

الطفل: وربما علقوا صوري في غرفهم

البو عزيزي من انت ؟

ليس المهم من انا , المهم انني فلسطيني وجئت لابارك لك الانتصار الذي حققتموه على الطاغية

البو عزيزي :ربنا يبارك فيك يا ابني وان شالله فلسطين راح تتحرر قريبا

الطفل : وهاد الموضوع الي جاي احكي معك فيه

البو عزيزي ينظر الى ساعته : حسنا يا بني تكلم

الطفل : "هلا انا كتير فرحان للي صار عندكم لانه اعدائنا همي نفسهم حتى لو تغيرت اشكالهم وخلقهم

البو عزيزي : صحيح

الطفل : ولكن يا عمو بصراحة انا غيران منكم , لانو انتو جربتو طعم الحرية واحنا لا

البو عزيزي : قريبا قريبا يا بني ستنالون الحرية التي لها تسعون

الطفل : طيب ليش انتو انتصرتوا قبلنا

البو عزيزي : السبب واضح لاننا ثرنا

الطفل : ونحن يا عم ثورتنا اطول ثورة في التاريخ , الا تعلم ان ثورتنا بدأت في العام 1965 والى الان لم تتوقف

البو عزيزي : قصدي انو احنا الشعب كله انتفض عنا

الطفل : وعنا كمان الشعب كل الشعب انتفض مرتين  مش بس مرة

البو عزيزي : طيب انتو جربتو تسوو اضراب ؟

ويضحك الطفل طويلا ثم يقول : يا عم احنا اضرابنا اطول اضراب في التاريخ اضربنا ست اشهر كاملات

البو عزيزي :بصراحة لقد حيرتني يا طفل , طيب قياداتكم شو رايها ؟

الطفل : قياداتنا كلهم استشهدوا

البو عزيزي : طيب ليش ما تروح تسالهم

الطفل : بصراحة ما بدي ازعجهم , اطلع عليهم , هيهم مسويين اجتماع لكل قادة الفصائل وشكلهم بدهم يعلنوا ثورة شهدا

البو عزيزي : ومين هداك ابو الطاقية العسكرية ؟

الطفل : هداك ابو جهاد , شكلو بدو ينزل هدولاك الشباب عملية !!

البو عزيزي: انا شايف انو كل قادتكم ذكور ويمكن لهيك ما انتصرتوا , لانه ما بسير الثورة تكون بدون مشاركة كافة فئات الشعب

الطفل :لا يا عمو هيني انا قدامك طفل وما كملت العشر سنين ومع هيك استشهدت

وبعدين بتعرف شو اسم اول رئيس لدوتنا ؟

البو عزيزي : ابو عمار اللي قاعد بصرخ هناك

الطفل : لا يا عمو اول رئيس لدولتنا كانت دلال المغربي

يعني ما في مكون من مكونات هاد الشعب الا وحارب وقدم شهدا

المسلم دفع شهدا

والمسيحي

والملحد

والعلماني

الكل قدم شهدا ومع هيك ما وصلنا

كل ما يمر قطار الحرية من جمبنا بنتعربش فيه , "الشفير" بضل يحكيلنا المرة الجاي بتركبوا , وهلا ما في وسع

البو عزيزي : والله لقد حيرتني يا فتى , انت كيف استشهدت ؟

الطفل : انا كنت برمي حجار عالدبابة فهي ردت علي بقذيفة

البو عزيزي: انت فارس عودة

الطفل : هيك عرفتني

ويبكي البو عزيزي حتى تتبلل الارض من تحته